Niko nije imun na ljutnju, ali je neki izražavaju divljajući, a neki dureći se. Osjećaj ljutnje nije ni dobar ni loš. Sasvim je normalno i zdravo osjećati ljutnju ako je prema vama neko bio grub ili nepravedan. Pitanje je samo kako ćete se nositi s tim osjećanjem. Ljutnja postaje problem ako šteti vama ili vašoj okolini. Ako lako planete, možda mislite da je to nemoguće promijeniti.
Možete da naučite kako da izrazite svoja osjećanja, a da pritom ne povrijedite druge. Kad to učinite, ne samo što ćete se osjećati bolje, nego ćete i lakše ispuniti svoje ciljeve, izgraditi bolje odnose s ljudima te živjeti zdravije i ispunjenije. Važno je shvatiti da ljutnju ne izazivaju samo tuđi postupci nego i vaš način razmišljanja o njima.
Među negativnim misaonim obrascima koji vode do bijesa je generalizovanje (nikada me ne slušaš, niko me ne poštuje), krut stav o tome kako bi drugi trebalo da se ponašaju i “čitanje misli”, odnosno pretpostavljanje da “znate” šta neko misli i osjeća te pomisao kako vas je namjerno naljutio. Ljutnji su skloni i oni koji imaju naviku da krive druge za sve što im u životu krene naopako kao i oni koji su zlopamtila.
I na tijelu se vidi kada smo iznervirani i ljuti
Grčevi u želucu, stiskanje šaka ili vilice, ubrzano disanje, glavobolja, snažna potreba za kretanjem, napetost u ramenima i udaranje srca su sve fizički znaci napada bijesa.
Ljutimo se jer vidimo sebe u drugima
Ljudi se lakše naljute kad su umorni i iscrpljeni. Često se ne ljute zbog onoga što misle, nego zbog nečega što nijesu dobili u djetinjstvu ili sopstvenih osobina koje prepoznaju u drugima.
Lažni rezultat
Neki ljudi reaguju naglo i burno jer misle da to donosi rezultate, ali tako u stvari štete sebi i drugima.
Ispeci pa reci
Ako vas neko naljuti ili uvrijedi, prvo se smirite, razmislite o situaciji i smislite razuman odgovor. Ako treba, uvježbajte “govor” pred ogledalom.
Može i bolje
Ljudi koji naglo planu ili potiskuju osjećanja trebalo bi da rade na svojim komunikacijskim vještinama, međutim ovo koristi i direktnim osobama.
Smirite se na brzinu
Kad vas obuzme bijes, usredsredite se na fizičke doživljaje i čula - lupanje srca, naviranje krvi u lice i sl. Opustite se slušajući omiljenu muziku, uživanjem u mirisu cvijeća ili zamišljanjem sebe na nekome lijepom mjestu.
Brojite do deset kako biste dali vremena svomu razumnom dijelu uma da sustigne emocije. Ako treba, brojite ponovo.
Protegnite se - ako su vam ramena napeta, kružite njima ili zamolite nekoga da vam nježno izmasira vrat i tjeme.
Ako možete, izađite i brzo prošetajte oko zgrade. Tako ćete se osloboditi nagomilane energije i razbistriti glavu, piše 24 sata.
Bonus video:
