Naravno da se zna da prezervativi štite od polno prenosivih bolesti i trudnoće, ali prema novom istraživanju objavljenom u Journal of Adolescent Health većina Amerikanki, ako koriste oralnu kontracepciju, uopšte ne mari za upotrebu kondoma u svrhu prevencije polno prenosivih bolesti.
U studiji je takođe objavljeno da se žene vraćaju upotrebi prezervativa tek kad prestanu da koriste druge oblike kontracepcije. Ali kad monogamni parovi imaju odnose bez zaštite to ne znači nužno da "traže nevolje". Postoji vrijeme kad je prezervativ neophodan i kada se može preskočiti njegovo korištenje. Dr. Shari Brasner, ginekološkinja, objasnila je da opravdanost preskakanja upotrebe prezervativa zavisi od konkretne situacije i savjetuje da žene sebi postave sljedeća četiri pitanja ako se odluče na odnos bez prezervativa.
Jeste li oboje zaista vjerni?
Jasno je da su osobe koje paralelno imaju odnose s više partnera ugroženije od dobijanja polno prenosivih bolesti od onih koje imaju samo jednog partnera. Zato, ako se odlučite za odnos bez kondoma treba treba da budete 100 posto sigurne (ako je tako nešto moguće) da ste oboje vjerni.
Kada ste posljednji put bili na testiranju?
Prije nego što se odlučite da izostavite prezervativ bilo bi najbolje da se testirate na hlamidiju, gonoreju, HIV i sifilis. Imajte na umu da se AIDS može otkriti tek tri mjeseca nakon rizičnog polnog odnosa.
Koja je tvoja metoda kontracepcije?
Ako ne koristiš pilule za kontracepciju ili neku drugu metodu, onda je jedina pouzdana metoda prezervativ.
Jeste li spremni da snosite moguće posljedice?
Dvije su moguće posljedice: trudnoća i polno prenosiva bolest. Dobro razmislite na šta ste spremni, ako odlučite da ne koristite prezervativ.
Bonus video:
