Evropska komisija (EK) je dala odobrenje anglo-holandskoj energetskoj grupaciji Royal Dutch Shell za akviziciju britanske BG Group, a da bi sporazum stupio na snagu treba da ga odobre i australijski i kineski regulatori.
EK navodi da planirano spajanje kompanija Shell i BG vrijedno 47 milijardi funti (GBP) ne predstavlja opasnost po konkurenciju u oblastima istraživanja i vađenja nafte i tečnog prirodnog gasa, prenose agencije.
"Transakcija je odobrena jer ona Shellu neće pružiti tržišnu nadmoć u istraživanju nafte i gasa, niti će ta kompanija moći da spriječi konkurenciju da koristi njenu infrastrukturu za istraživanje gasa u Sjevernom moru", navedeno je iz EK.
BG Group navodi da su zahtjevi za odobrenje sporazuma predati kineskim i australijskim vlastima, a da se čeka i na podršku akcionara obje grupacije.
Ukoliko sporazum stupi na snagu, Shell će postati druga po veličini energetska grupa u svijetu, iza američkog giganta Exxon mobil-a.
Bonus video:
