Slovaci su masovno nasjeli na lažni poziv na društvenim mrežama da se do kraja januara izjasne ako ne žele da ih Slovačka pošalje na ratišta u svijetu, možda i u Ukrajini.
"Nemojte propustiti 30. januar 2015. U suprotnom prijeti da ćete morati u rat da ubijate ljude", piše u lažnom pozivu na Fejsbuku povodom nedavne izjave slovačkog premijera Roberta Fica da Ukrajinu i ne samo nju, sa vjerovatnoćom od 70 odsto, čeka veliki ratni sukob.
Taj profil na Fejsbuku upozorava Slovake da moraju da pošalju pismenu izjavu opštini da odbijaju vojnu službu zbog prigovora savjesti ili vjerskih razloga, ali da to moraju da učine do kraja januara pošto na to imaju pravo samo u vrijeme mira.
Poziv je munjevito počeo da se širi internetom i mnogi Slovaci su, sudeći po komentarima, nasjeli, uvjereni da je pravi, i uspaničili se.
"Ministarstvo odbrane se oštro ograđuje od tih informacija. Nije u pitanju nikakva novost koja bi imala bilo kakve veze s Ukrajinom ili zbivanjima bilo gdje u svijetu. Odbijanje vanrednog služenja vojske u mirnodopska vremena moguće je još od 2005", kazala je za slovački portal Topky.sk portparolka Ministarstva odbrane Martina Balekova.
Ministarstvo je upozorilo Slovake koji su nasjeli na lažnu vijest o tome da imaju posljednju šansu do kraja januara da odbiju da ratuju da takvo odbijanje zbog prigovora svjesti ili iz vjerskih razloga ionako nije moguće u kriznim situacijama, bilo da je u pitanju rat ili vanredno stanje.
Bonus video:
