Rumunski parlament danas je jednoglasno podržao plan predsjednika države da organizuje referendum o anti-korupcijskim reformama, a nakon masovnih uličnih demonstracija koje su primorale vladu da povuče spornu uredbu o dekriminalizaciji pojedinih slučajeva korupcije.
Kako prenosi Rojters, glasanje parlamenta je uobičajena procedura, ali njegovo mišljenje o održavanju referenduma nije obavezujuće.
Rumunski predsjednik Klaus Johanis, nekadašnji član desničarske opozicije, napao je vladu zbog uredbe, koja štiti desetine javnih funkcionera od krivičnog gonjenja.
Predsjednik Johanis sada mora da odluči kada će se referendum održati.
Iako o tekstu na glasačkom listiću odlučuje predsjednik, on je prošlog mjeseca kazao da želi da održi glasanje kako bi vidio šta je "suverena želja građana Rumunije".
Prema zakonu, prije glasanja mora da se održi kampanja u trajanju od 30 dana.
Bonus video:
