Na desetine hiljada ljudi priključilo se protestu u Meksiko Sitiju u traženju odgovora na nestanak 43 studenata prošle godine što se smatra za novi pritisak na predsjednika Enrikea Penu Nijeta da se riješi slučaj koji je "ukaljao" njegovu sliku među sunarodnicima.
Godinu dana od kada se 43 osobe vodi kao nestale poslije sukoba sa lokalnom policijom u jugozapadnom meksičkom gradu Iguala, demonstranti su juče izrazili gnjev zbog njihovog nestanka i dubokih propusta meksičkog pravosudnog sistema gubeći svaku nadu da bi Nijeto mogao da riješi nasilje i bezakonje koje godina pratili ovu zemlju, prenijela je agnencija Rojters.
Meksička vlada je navela da su 43 mladića oteli korumpirani opštinski policajci i predali ih, da bi bili masakrirani, lokalnoj narko bandi koja je te studente povezivala sa rivalskom bandom u državi Gerero.
Međutim, međunarodni tim stručnjaka razmotrio je slučaj ovog mjeseca i doveo u pitanje vladin izvještaj navodeći da je njihova "istraga bila aljkava i puna rupa".
"Ljudi su se vratili da kažu predsjedniku - mi vam ne vjerujemo, mi nismo idioti. Meksiko mora da poradi na ovom slučaju. To je laž koju mi nećemo progutati", rekao je Moises Akosta (30) jedan od hiljada okupljenih demonstranata na mirnom protestu.
Roditelji nestalih studenata su ove sedmice pozvali na novu istragu, međutim, meksička vlada je samo ponudila da stvori novu kancelariju koja bi se bavila nestalima u Meksiku, dok su mnoga pitanja ostala otvorena.
Bonus video:
