Više od 1.100 ljudi je umrlo zbog vrućina u Indiji u posljednjih mjesec dana, izjavili su danas indijski zvaničnici.
Najviše ljudi umrlo je od tropskih vućina u južnim državama Andra Pradeš i Telengana.
U Andra Pradešu su umrla najmanje 852 čovjeka, a u susjednoj Telengani 266 čoveka, rekao je zvaničnik iz odjeljenja za reagovanja na katastrofe Bambal Ram Mina.
U posljednja dva dana temperature su u obje države nešto pale ali su i dalje na oko 45 stepeni. Javne službe su pozvale da se pije dosta vode i izbjegava izlazak napolje u najtoplijim djelovima dana.
Topli i suvi vetrovi zahvatili su i Nju Delhi, kao i veći dio sjevernog i centralnog dijela Indije. U velikim gradovima su primjetne gužve oko štandovima na kojima se prodaju hladni voćni sokovi i voda.
Meteorolozi najavljuju da će toplotni talas potrajati najmanje još nedjelju dana. Prve monsunske kiše, koje će donijeti malo osvježenja, očekuju se u prvoj nedjelji juna u južnoj državi Kerala. Sezona monsuna traje do septembra i postepeno zahvata cijelu Indiju.
Bonus video:
