Jedan jemenski zvaničnik saopštio je danas da je stupilo na snagu primirje između islamističkog sunitskog pokreta i šiitskih pobunjenika na nemirnom sjeveru zemlje, nakon trodnevnih sukoba u kojima je ubijeno više od 100 ljudi.
Član predsjedničke komisije zadužene za pregovore o prekidu vatre, Jehija Masur rekao je da će dva vojna bataljona nadzirati dogovor u sjevernoj provinciji Sada, javio je AP.
Predstavnik sunitskog salafističkog pokreta Serur al Vadi rekao je da je u sukobima koji su počeli u srijedu ubijeno najmanje 100 boraca tog pokreta, dok su pripadnici plemena bliskih šiitskim pobunjenicima Hutima na sjeveru zemlje saopštili da je ubijeno nekoliko desetina njihovih boraca.
Salafisti i Huti, grupe koje se bore protiv jemenske vlade, međusobno se često sukobljavaju.
Bonus video:
