Pakistanski ministar za vjerske manjine Šahbaz Bati umro je od rana koje mu je iz vatrenog oružja nanio atentator u Islamabadu, rekao je zvaničnik bolnice u glavnom gradu Pakistana.Prema njegovim riječima, Bati je već bio mrtav kada je dopremljen u bolnicu Šifa u Islamabadu.Bati je bio hrišćanin, a islamisti su mu više puta prijetili zato što je osuđivao izuzetno oštre propise protiv blasfemije.Ove godine je guvernera provincije Pendžab ubio njegov telohranitelj, bijesan što se njegov šef suprotstavljao pakistanskim propisima o blasfemiji koji, pored ostalog, predviđaju smrtnu kaznu za one koji vrijeđaju islam.
Bonus video:
