Vršilac dužnosti premijera Kosova Ramuš Haradinaj izjavio je da je Beograd od Prištine tražio 950 kvadratnih kilometara teritorije Kosova.
"Srbija je tražila 950 kilometara. Konkretno. Tema podjele više nije na stolu, stvari su se razvile dalje. Vučić i dalje koristi podjelu. Oni rade svoj posao", rekao je Haradinaj za Gazeta ekspres.
Kako prenosi portal Kossev, Haradinaj je rekao da se predsjednik Srbije Aleksandar Vučić i dalje "žali" u raznim krugovima zbog toga što Kosovo nije pristalo na dogovor.
Haradinaj je ocijenio da Srbi koordiniraju svoj nastup i da Kosovu nedostaje ta koordinacija.
"Igraju dobrog i lošeg policajca. Vučić je dobar policajac, Dačić loš. Koordinišu se, a mi ne. Hašim igra dobrog policajca, ali protiv svoje zemlje. Ja sam loš policajac, ali štitim Kosovo", rekao je Haradinaj.
Bonus video:
