Kardinal Žan Luj Turan se upravo pojavio na balkonu kako saopštio ime novog pape. Horhe Mario Bergoljo iz Buenos Airesa je novi papa.
Ko god bude izabran za 266. poglavara 1,2 milijarde rimokatolika u svijetu, suočiće se sa nizom teških problema
Bergoljo je rođen 17. decembra 1936. godine. Zvache se papa Franja, objavio je francuski kardinal Žan-Lui Toran. Kao kardinal nije imao svoju biskupiju nego je radio rimskoj kuriji. Hiljade ljudi okupilo se na trgu Svetog Petra da pozdravi novog papu.
Iz dimnjaka na Sikstinskoj kapeli ranije večeras pojavio se bijeli dim, što znači da su kardinali izabrali novog papu, koji će naslijediti Benedikta XVI i upravljanje Rimokatoličkom crkvom, pogođenom skandalima.
U isto vrijeme su se začula zvona sa bazilike Svetog Petra.
Odluka, prvog punog dana glasanja od strane 115 kardinala, donesena je puno brže nego što su mnogi očekivali jer nije bilo jasnog favorita nakon Benediktove iznenadne abdikacije 28. februara.
Nakon ostavke, Benedikt je kazao da više nema snage da se bori protiv izazova
Prkoseći upornoj kiši i hladnom vjetru, ushićena masa na Trgu Svetog Petra je počela da aplaudira nakon što se pojavili prvi pramenovi dima, prenio je Rojters.
Nakon objavljivanja identiteta, očekuje se da novi pontif održi svoje prvo javno obraćanje okupljenim vjernicima.
Nakon ostavke, Benedikt je kazao da više nema snage da se bori protiv izazova sa kojima se Crkva suočava.
Biografija kardinala Bergolja, novog pape Franja I
Prvi neevropski poglavar Katoličke crkve i prvi jezuit (isusovac) na toj dužnosti, po redu 266. papa, rođen je 17. decembra 1936. u Buenos Ajresu kao jedno od petoro djece italijanskih doseljenika, željezničara i njegove žene. Nakon studija na Teološkoj školi "Villa Devoto" u Buenos Ajresu, 11. marta 1958. pridružio se jezuitskom redu.
Postao je sveštenik 13. decembra 1969., nakon čega je studirao na filozofskom i teološkom fakultetu u San Miguelu, gdje je stekao titulu profesora teologije.
Zadivljena njegovim osobinama vođe, Družba Isusova (jezuiti) unaprijedila je Bergolja na položaj provincijala za Argentinu, na kojem je ostao od 1973. do 1979. Od 1980 do 1986. bio je rektor univerziteta u San Miguelu, gdje je i studirao. Doktorirao je u Njemačkoj, nakon čega se vratio u domovinu, gdje je služio kao ispovjednik i voditelj duhovne obnove u Kordobi.
Od 1992. do 1997. bio je pomoćni biskup Buenos Ajresa, a 28. februara 1998. na položaju biskupa zamijenio je kardinala Kuaracina.
Papa Jovan Pavle II pozvao je 21. februara 2001. novoimenovanog nadbiskupa Buenos Ajresa Bergolja u Vatikan i proglasio ga kardinalom. Argentinski kardinal obavljao je brojne zadatke u Rimskoj kuriji u nekoliko kongregacija.
Kao kardinal Bergoljo je postao poznat po konzervativnoj doktrini i odanosti socijalnoj pravednosti istovremeno vodeći vrlo jednostavan način života. Živio je u malom stanu, iako je mogao da bira rezidenciju u biskupskoj palati. Odrekao se automobila s ličnim vozačem i vozio se javnim prevozom, a navodno je i sam sebi kuvao.
Nakon smrti pape Jovana Pavla II, kardinal Bergoljo je učestvovao u konklavama na kojima je izabran papa Benedikt XVI, a tad se govorilo da je upravo on bio najozbiljniji protivkandidat kardinalu Josefu Ratzingeru i da je odluka o novom Papi donešena tek nakon što je on od kardinala u konklavama zatražio da više ne glasaju za njega.
U novembru 2005. Bergoljo je izabran za predsjednika Argentinske biskupske konferencije i to velikom većinom glasova argentinskih biskupa, što je potvrdilo njegov status u domovini, ali i međunarodni prestiž koji je zaslužio načinom na koji se navodno ponašao u konklavama. Poslije prvog trogodišnjeg mandata na čelu argentinskih biskupa, ponovno je izabran na taj položaj u novembru 2011.
Što se njegovih stavova tiče, smatraju ga bliskim konzervativnom laičkom pokretu "Comunione e Liberazione", protivi se abortusu i eutanaziji, zalaže se za poštovanje homoseksualnih osoba, ali se snažno usprotivio zakonu o istospolnim brakovima koji je Argentina usvojila 2010. Mogućnost da istospolni partneri usvajaju djecu smatra diskriminacijom prema djeci, zbog čega ga je kritikovala argentinska predsjednica Kristina Fernandez de Kiršner, rekavši da ton Crkve podsjeća na "srednji vijek i inkviziciju".
Veliki poštovatelj hrišćanske doktrine ljubavi, ostao je poznat po obilasku jedne bolnice 2001. u kojoj je oprao i poljubio noge dvanaest oboljelih od AIDS-a.
Franjo I rado čita djela Borhesa i Dostojevskog, ljubitelj je opere i fanatični navijač fudbalskog kluba San Lorenco iz Buenos Ajresa, koji je osnovao jedan sveštenik.
Bonus video:
