SAD će nastaviti osuđivati rusko miješanje u američke izbore i preduzimati "odlučne mjere" protiv "zlokobnog djelovanja" Moskve, poručio je američki šef diplomatije Majk Pompeo nakon objave izvještaja o istrazi o tom pitanju.
"Jasno ćemo im reći da je to neprihvatljivo", rekao je na konferenciji za novinare u Vašingtonu.
"Preduzećemo odlučne mjere kako bi još više platili svoje zlokobno djelovanje i nastavićemo to činiti", dodao je, dok je Tramp više puta kazao da bi želio poboljšati odnose s Rusijom.
Pompeo je odgovarao na pitanja o izvještaju posebnog tužitelja Roberta Malera koji je sproveo istragu o navodnom ruskom miješanju u američke predsjedničke izbore 2016.
"To je ozbiljno", Rusija "se miješa u izbore širom svijeta, ne samo naše 2016., nego i drugdje", ustvrdio je.
"Mislim da ne postoji niti najobičniji razgovor između nekog visokog američkog zvaničnika i Rusa, za vrijeme ove administracije, u kojem nismo izrazili zabrinutost u vezi ruskog miješanja u naše izbore", rekao je Pompeo, prenosi Hina.
Sada kada je Malerov izvještaj pokazalo da nije utvrđen "dosluh" između Trampove kampanje i Kremlja, "prenijećemo im odlučan zahtjev da Rusija ne preduzima aktivnosti koje bi ometale puno funkcionisanje naše demokratije", zaključio je.
Bonus video:
