Gradonačelnik Budve Marko Carević kazao je da su spremni na dijalog, ali da za sto sjednu neki ozbiljni, a ne ovi koji su izigrali datu riječ.
On je pozvao građane da ostanu okupljeni ispred zgrade Opštine, jer kako je kazao imaju dojave da će ih nasilno izbaciti. On je ipak uvjeren da policija ovoga puta neće primjeniti silu.
Nakon što mu je policija dala megafon, Carević je kazao da je i ovo primjer da je policija narodna.
“Da je shvatila da je pogriješila onaj dan. Hvala bogu danas imamo redovan radni dan, imamo puno obaveza. Mi smo na svojim radnim mjestima, legitimno izabrani od vas. Hvala vam na podršci i od ovoga načina nećemo odustati, jer smo kao legitimni predstavnici izabrani vašom voljom. To garantuje Ustav i zakoni ove države i dok god je tako mi ćemo biti na svojim radnim mjestima”, kazao je Carević.
Rekao je građanima i pristalicama da ostanu ispred zgrade SO.
"Moguća su iznenađenja da se opet pokuša silom, ali čini mi se da se to neće dešavati i da su to svi shvatili. Znate i sami da smo dali priliku dijalogu, i zamislite dogovorili smo se kao ljudi. Vidjeli ste kakav je epilog. Jasno je da suprotna strana ne želi dijalog, a mi upravo dijalogom želimo da se ovo riješi. Da razgovaramo, da ih vratimo na poziciju poštovanja Ustava za koji se navodno oni zalažu”, poručio je Carević.
On je kazao da ostaju otvoreni za dijalog.
Bonus video:
