Predsjednik Ukrajine Volodomir Zelenski rekao je večeras kako je čuo da bi Rusija mogla napasti tu državu u srijedu. Poručio je, ipak, da će taj dan proglasiti danom nacionalnog jedinstva.
Zelenski nije naveo od koga potiču ti navodi, ali je nekoliko američkih organizacija prošle nedjelje objavilo kako Vašington vjeruje da je 16. februar datum kada će ruske snage biti spremne za akciju ako predsjednik Rusije Vladimir Putin za to da zeleno svjetlo, podsjeća Rojters.
"Kažu nam da će 16. februar biti dan napada. Učinićemo to danom jedinstva", kazao je Zelenski u video-poruci naciji. "Pokušavaju nas zaplašiti ponovnim imenovanjem datuma za početak vojne akcije", dodao je.
Zelenski je naveo da je potpisao naredbu da toga dana budu istaknute državne zastave i nošeni barjaci žuto-plave boje, piše Rojters.
Bonus video:
