Tinejdžer sa Tajvana nedavno je izgubio život i to, kako piše Dejli mejl, zbog vrlo "zarazne" online igrice.
18-godišnjak je iznajmio privatnu sobu u Internet kafiću u južnom Tajvanu kako bi na miru mogao da igra svoju omiljenu video igru "Diablo 3".
Britanski list prenosi da je mladić dva dana bio bez hrane i vode, a policajac ga je pronašao kako spava sa glavom na stolu.
Probudio ga je i mladić je krenuo napolje, ali se nakon samo nekoliko koraka srušio na pod.
Proglašen je mrtvim svega nekoliko minuta po dolasku hitne pomoći.
Tamošnji doktori su kazali kako su se već susretali sa sličnim situacijama i kako dugotrajno sjedenje ponekad zaista može uzrokovati kardiovaskularne probleme.
Inače, ovo je druga smrt u Tajvanu koju je ove godine uzrokovalo igranje video-igrica.
Jedan muškarac je u februaru u mjestu Nju Tapei pronađen mrtav nakon što je igrajući neimenovanu igricu proveo gotovo 24 sata.
Bonus video:
