Kineski predsjednik Si Đinping izjavio je da je postizanje potpunog jedinstva "kolektivna nada cijelog kineskog naroda", prenosi Tanjug.
On je dodao da su bilo kakvi pokušaji da se kineski narod podjeli osuđeni na propast.
U govoru pred oko 3.000 članova Nacionanog narodnog kongresa, SI je rekao da je kineski narod ujedinjen u svom vjerovanju da "svaki pedalj naše velike otadžbine apsolutno ne može i apsolutno neće biti odvojen od Kine", prenio je AP.
BBC ocjenjuje da je Si na zatvaranju godišnje sjednice kineskog parlamenta održao "vatren nacionalistički govor" u kojem je Kinu predstavio kao globalnu silu u usponu.
Govor je, dodaje, predstavljao snažno upozorenje protiv bilo kakvih pokušaja separatizma Tajvana ili Hongkonga.
Izlažući svoju viziju Kine, Si je rekao da je istorija pokazala da "samo socijalizam može da spasi Kinu", te dodao da kineski narod "ima duh borbe u krvavim bitkama protiv naših neprijatelja do gorkog kraja".
Dok je govorio o globalnim ambicijama Kine, Si je rekao da će ona biti jaka, ali ne agresivna, kao i da se neće razvijati na račun ostatka sveta.
Ipak, upozorio je da Kina mora da bude ujedinjena kako bi napredovala, a da je "apsolutno nemoguće odvojiti ijedan inč teritorije naše velike zemlje od Kine".
"Svi postupci i trikovi za odvajanje zemlje su osuđeni na propast i osudiće ih narod ili kazniti istorija", rekao je Si.
Lider Komunističke partije i predsjednik države Si Đinping nedavno je ponovo izabran za predsjednika Kine i to bez ograničenja broja mandata.
Bonus video:
